راح تطلع شمس القدس ...

رح تطلع شمس القدس
والأقصى ينور فيها
بعد القتل والدم
صلاتنا حتكون فيها
القدس عالدنيا تنادي
وين العرب اللي فيها
تعبت وطول أسرها
والظالم اتمرد فيها
قتلوها قتل فرحتنا
وطفوا النور اللي مضويها
الله من سماه صان القدس
بس العرب ضحوا فيها
كلمة الحق غابت
والكل يدور عليها
هالسادة نامت كثير
و صار لازم حدا يصحيها
مرتاحين بقصورهم هلأ
بس بكرة جاي مين يخليها
تراب و حجار على روسهم
و ما يخلي شي فيها
عار عليكم يا عرب
و الله كتير سقتو فيها
صرنا نخجل بعروبتنا
بعد ما كنا نتحالى فيها
لوين رح توصلنا دنيتنا
حتخلينا ع الأرض ولا تحتيها
إحنا ما بدنا أحزاب
لأنو و لا رجال فيها
صعبة الدنيا مع رجال
خيبت أملنا فيها
كثرت كثير جروحنا
و نادينا علّي يداويها
و ما سمعنا بهالدنيا حدا
و إحنا على طول نبكيها
هالعيون نشفت دموعها
و صار لازم تنسى ماضيها
بدنا جنسية فلسطينية
بس الكل عم يعاديها
فلسطين حبيبة الكل
و شو الفائدة ازا الكل ناسيها
ذبحوكي عالمكشوف
أدام عيون الله يعميها
دموع مهدورة و قلوب مكسورة
و جروح تصرخ علّي يدميها